Aalisakkanik
tunisassianut Kalaallit Nunaanneersunut nalitusaaviit pillugit
aningaasaqarnikkut misissueqqissaarneq pillugu ilanngussaq
Kalaallit Nunaanni Naatsorsueqqissaartarfiup siulersuisui ataasinngormat 8. maaji 2017-imi nalinginnaasumik ataatsimiinnermi aalajangiuppaat misissuinerup ”Aalisakkanik tunisassianut Kalaallit Nunaanneersunut nalitusaaviit pillugit aningaasaqarnikkut misissueqqissaarneq” piffissami qanittumi saqqummersinneqassasoq.
Maanna misissuinerup inerneri Naatsorsueqqissaartarfiup nittartagaatigut kalaallisut qallunaatullu pissarsiarineqarsinnaalerput.
Naatsorsueqqissaartarfiup
aamma Københavnip Universitetiani Institut for Fødevare- og Ressouceøkonomi
(IFRO) isumaqatigiinnerisigut misissuineq pivoq. Aalisakkat pingaarnerit
pillugit aningaasat ingerlaarnerisa misissorneqarnisaanik Naalakkersuisunit
kissaateqarneq tunngavigalugu misissuinissaq Naatsorsueqqissaartarfimmit
Aningaasaqarnermut Akileraartarnermullu Naalakkersuisoqarfik isumaqatigalugu inniminnerneqarpoq.
IFRO-mut
isumaqatigiissutaasimasoq tunngavigalugu suliap ingerlanissaa sivitsorneqarpoq
januaari 2017-ip naanerata tungaanut. Pissutsit assigiinngitsut tunngavigalugit
inuit ataasiakkaat assersuutigalugu misissuinerup eqqortuuneranik misissuisussat
kisimik misissukkamik pissarsiaqarnikuupput, taamaaliornermut pissutaavoq
atuakkiortut Kalaallit Nunaanni saqqummiussisinnaanissaannut
tunngaveqarluarnissaat. Maanna misissueqqissaarnerup inerneri tamanit
pissarsiarineqarsinnaalerput. Tassunga ilanngullugu nalunaarutigineqassaaq,
IFRO ilisimatusarnermik tunngaveqarluni misissuinerni allaaserinninnerni
assigiinngitsuni misissuinerup inerneri isumaqatigiissutit tunngavigalugit
suliaqartoqarsimanera. Allaaserisaq siulleq ”Marine Ressource Economics”-imi
saqqummersitsinissamut akuerineqarsimavoq.
Naatsorsueqqissaartarfiup pisortaa, Anders Blaabjerg sinnerlugu.
Lars Geraae
Allaffimmi pisortaq